Ons is geseënd met begaafde musikante wat ons verskillende eredienste lei:  by die oggend-eredienste is Francois van Niekerk orrelis en musiekleier; Marcel Dednam is die pianis en musiekleier by die aanddienste;  en Jane Steenkamp is die pianis en musiekleier by die gesinsdienste.  Hierdie musikante werk baie nou saam met die predikante om seker te maak dat die musiek wat gesing word, inpas by die boodskap.

Ons oggend-erediens is meer klassiek van aard met orrel- en klavierbegeleiding uit die Liedboek en Vonk.  Die aand-erediens is meer informeel met eietydse en kontemporêre musiek in Afrikaans en Engels en ‘n wye verskeidenheid musiek word gesing en begelei deur kitaar, viool, fluit, trom, baskitaar en saksofoon.  In ons gesins-eredienste word die musiek gekies wat veral laerskoolkinders sal verstaan en kan saamsing.

Ons is geseënd met ‘n gemeente wat musiek waardeer en dit geniet om saam te sing en gebruik graag die talente van ons gemeente om in die verskeie eredienste leiding te neem met sang of om ‘n instrument te speel.  Kontak gerus vir Isabelle van Rensburg indien jy sou belangstel om deel van Skuilkrans se musiekbedieningspan te word.

Die doel van hierdie diens is om die dankoffers op te neem tydens eredienste en met die bediening van Nagmaal te help.  Skakel gerus die kontakpersone hiernaas indien u belangstel om te help.