Praktiese riglyne vir effektiewe opbou in die groep

1.     Moedig elke lid aan om nie ‘n negatiewe of neutrale faktor nie, maar ‘n positiewe faktor in die opbou van die groep te wees.

2.     Dit beteken elkeen moet beskikbaar wees om ‘n opbouer te word deur die gebruik van geestelike gawes om die liggaam te bou. (1Kor 14:26)

3.     Laat die aanbiddingstyd oorvloei in opbouingstyd.  Sluit die aanbiddingstyd af deur voorbidding te doen vir die opbouingstyd. 

4.     Die klem moet op die Skrifgedeelte wat tydens die vorige Sondagdienste gebring is, gelê word.

5.     Jy moet die leiding gee, (fasiliteer) nie onderrig gee nie.

·         Onderrig:  Die leier doen al die praatwerk

·         Leiding gee (Helper):  Die leier kry die mense aan die praat.

·         Besprekings lei die mense in toepassings wat persoonlik, spesifiek en prakties is.

6.     Laat leier besef die groep is nie ‘n byeenkoms nie, maar ‘n ontmoeting met Christus as ‘n groep

7.     Moedig sensitiwiteit vir die Heilige Gees aan asook ‘n verwagting dat die Heilige Gees wil werk, gehoorsaamheid om te doen wat Hy sê, en gewilligheid dat Hy Sy gawes openbaar.

8.     Wees sensitief teenoor persoon wat opbou benodig.

9.     Help persone in opbou proses om met God te praat oor hulle seer, vrese en skuld.

10.  Hierdie is ‘n gepaste tyd om mekaar te bedien met die gawes van die Gees, deur gebed.